Quotes

Մի իմաստուն մարդ ասաց

Կգա ժամանկ, կզիջես, երբ որ կհասկանաս, որ հին կաղապարները մերժելով նորը հաստատելը հնի կրկնություն ա, ու երբ կհասկանաս, որ կյանքը առաջ ա գնում… Երբ որ ինձ նման ցանկություն կառաջանա մի տեղ կանգ առնել ու ասել վերջ, էլ ոչ մի նորության չեմ գնալու, բայց հետո կկհասկանաս, որ առանց էդ առաջ գնալու ու քո իսկ ստեղծած կաղապարները ինքդ ջարդելու (չսպասելով, որ հետեւիցդ եկող ջահելը ջարդի) չես կարա… Էս մտքերս պատճենի-պահիր (բուն գրաբարով` copy past), պետք են գալու…­­

Խոսքերի հեղինակ

Posted March 19, 2011 by Observer

Articles

Եղիցի մութ

In Հին երգերից, Քաղաքական on October 10, 2010 by Observer

Գլխագանգիս գմբեթի տակ
պատեպատ է զարկվում մի խեղճ,
թշվառ,
տանջված Աստված,
ու զարկվում է գանգատուփիս
բանտ պատերին… Read More »

Articles

Գարունը մոտեցավ ավարտին… կրակոցները շարունակվում են…

In Հայաստան on May 23, 2007 by Observer

…չգիտես ինչու և ինչպես գարունը պրծավ…

…ընտրությունները ավարտվեցին, ասում են՝ ազատ, արդար…

…կրակոցները շարունակվում են…

…քիթ սրբելու ժամանակ չունեմ՝ չեմ հասցնում անգամ բլոգները թարմացնել, հուսով եմ մյուս շաբաթ մի քիչ կթեթևանամ…

նույնիսկ այսքան զբաղվածության մեջ չեմ կարող չնկատել, որ.

ԿՐԱԿՈՑՆԵՐԸ ՇԱՐՈՒՆԱԿՎՈՒՄ ԵՆ…

էհ, ջհանդամ չէ… թող կրակեն իրար ու թող սաղ սատկեն, զզվել եմ արդեն…

Articles

Արի զարգենք պատը!

In Uncategorized on May 6, 2007 by Observer Tagged:

Այս անգամ Սկսելան անհավես ու անկազմակերպ էր՝ մոտ 40 ջահել (ինձ էլ եմ ջահել հաշվում) հավաքվեցին ավանդական տեղում՝ Կոմիտասի արձանի մոտ, բայց արձանի շուրջբոլորը դաշնակցական ցուցահանդես էր բացված, որն ուղեկցվում էր Հախվերդյանի երգերի բավականին բարձր հնչողությամբ։ Որոշվեց Սկսելայի «Արի զարգենք պատը» ակցիան տեղափոխել հարևանությամբ գտնվող Սարյանի արձանի մոտ (Վերնիսաժի տարածք), քանի որ Սկսելայի ժողովրդի կարծիքով Հախվերդյանի երգերը կխանգարեին ակցիային։ Անկեղծ ասած կարծում եմ, տեղափոխվելը ճիշտ քայլ էր, ավելի շուտ ելնելով այն նկատառումից, որ Սկսելայի աղմկոտ ակցիան հաստատ կխանգարեր Հախվերդյանի՝ ինձ համար այնքան սրտամոտ երգերին։

Ինչևէ, մի քանի «տաքացնող» խաղ–կոչերից հետո մնացած 25-30 հոգի ջահելները (ինձ էլ եմ ջահել հաշվում) կիսաշրջան կազմած հավաքվեցին լարաքամվող գիթառիս չորս բոլորը՝ նվագում էին ով և ինչ պատահի… Աչք ու ականջ էր ծակում մասնակիցների ճաշակի տարբերությունը՝ հիմնականում հնչում էր այն, ինչ կոչում են ռուսական ռոք (ես լուրջ պրոբլեմ ունեմ այս բառակապակցության հետ կապված, քանի որ գտնում էմ, որ ռուսական ռոք ասվածը գոյություն չունի, եթե չհաշվենք Գորկի Պարկը)։ Մեկ մեկ հնչում էր Բիթլզների օրհնված երաժշտությունը, Նիրվանան և Մետալիկայից մեկ երկու նման–նմանակում։ Կարծում եմ ակցիան հաջողվեց՝ անձամբ ես հիացած եմ… Արոնյանի հաղթանակով` 4։2 հօգուտ մեր շախմատիստի հաղթանակի, որին հետևած սիմվոլիկ հրավառությունն էլ հենց ազդարարեց Սկսելայի հերթական ակցիայի ավարտը։

Articles

Սա իմ երկիրն է…

In Հայաստան, Քաղաքական, Խոսքի ազատություն on April 13, 2007 by Observer Tagged: , , ,

…ու ես իմ երկրում պիտի ապրեմ որտեղ ուզեմ…
պիտի շնչեմ որքան ուզեմ…
պիտի մտածեմ ինչ որ մտքովս անցնի…
պիտի ասեմ ինչ ուզեմ…
պիտի պարեմ որտեղ ուզեմ…

…ՈՐՈՎՀԵՏԵՎ ՍԱ ԻՄ ԵՐԿԻՐՆ Է…

http://www.a1plus.am/am/?page=issue&iid=47850

Articles

Դու ուզում ես (հին երգերից)

In Հին երգերից on March 28, 2007 by Observer

Դու ուզում ես, որ արեւը շողա,
Որ ոչ ոք չտխրի ու կյանքից չուշանա,
Դու ուզում ես ունենալ շատ փող
Եվ, որ աղջիկն այս սիրի քեզ,
Ու անձրեւ գա…

Դու ուզում ես նկարել ծաղիկներ
Ու երգել այնպես, որ բոլորն հմայվեն
Դու ուզում ես մարդու պես ապրել
Դու ուզում ես՝ երջանիկ լինել…

Դու ուզում ես, շատ բաներ ես ուզում
Դու ուզում ես՝ կյանքի իրավունք,
դու ուզում ես՝ մտքի իրավունք
Սիրո ու գեղեցկության…

Սակայն կյանքը քո դեմ է, ողջ աշխարհը քո դեմ է
Դե քեզ տեսնեմ՝ կրծիր պատերը…
Սակայն կյանքը քո դեմ է, ողջ աշխարհը քո դեմ է
Դե քեզ տեսնեմ՝ բախիր դռները…

Articles

…ճշմարտությունն ավելի թանկ է։

In Uncategorized on January 15, 2007 by Observer Tagged:

…ճշմարտություննը ավելի թանկ է, քան ընկերությունը, խնամի-բարեկամությունը, քավոր-սանիկությունը, լավամարդ-վատամարդությունը։ Հայաստանում համառորեն չեն ուզում հասկանալ այս պարզ ճշմարտությունը, և դա արդեն բերել է երկրի համար կործանարար հետեւանքների։

…ճշմարտությունն ավելի թանկ է, քան նեղացկոտ մեկ-երկու պաշտոնյաների քմահաճույքը, զրպարտանքի, հեռուստատեսության ու ռադիոյի ոլորտը կարգավորող բազմազարմանազան օրենքները, գովազդի ու տեղեկատվության ազատության մասին ՀՀ օրենքներում արվող անհեթեթ փոփոխությունների առաջարկությունները…

…ճշմարտությունն ավելի թանկ է, որովհետև այն է երկրի կառավարման այն միակ խախուտ լծակը, որը շարքային քաղաքացին կարող է հակադրել հղփացած ու քաղաքական մեքենայությունների մեջ հմտացած ավտորիտար ապարատին։

Գեղեցկությունը չի՛ փրկի աշխարհը… ոչ էլ տնտեսական աճը, ռազմավարական գործընկերներն ու կոմպլիմենտար անհետևողականությունը։

Ես ձեզ ասում եմ՝ ճշմարտությունը կփրկի աշխարհը, տիկնայք և պարոնայք։

Follow

Get every new post delivered to your Inbox.

Join 3,900 other followers